← मागे

आमरस

गोड · वेळ: १५ मिनिटे · ४ जण

हापूस किंवा पायरी आंब्याचा दाट, सोनेरी रस — गरम पुऱ्यांसोबत खायचा उन्हाळ्याचा सगळ्यात मोठा आनंद.

साहित्य

  • पिकलेले आंबे (हापूस/पायरी) — ४-५
  • साखर — गरजेनुसार (आंबे गोड असतील तर नको)
  • वेलची पूड — चिमूटभर
  • सुंठ पूड — चिमूटभर (ऐच्छिक)
  • दूध — थोडं (रस फार दाट असेल तर)

कृती

  1. आंबे धुवून हातात धरून सगळीकडून हलके दाबून मऊ करा.
  2. साल काढून गर एका भांड्यात काढा, आणि कोयही चोळून गर काढा.
  3. गर चमच्याने किंवा रवीने एकजीव करा — मिक्सर वापरला तर फार वेळ फिरवू नका.
  4. चवीनुसार साखर, वेलची आणि सुंठ घाला. थंड करून पुरीसोबत वाढा.

टिपा

सुंठ घातल्याने आमरस पचायला हलका होतो, अशी आजीची शिकवण.

उरलेला आमरस फ्रीजरमध्ये गोठवला की होते घरगुती 'मँगो कुल्फी'!