← मागे

मराठी वाक्प्रचार आणि अर्थ (१०२)

  1. डोळ्यात धूळ फेकणे — खोटे दाखवून फसवणे
  2. कान टोचणे — कडक शब्दांत समज देणे
  3. हात धुऊन मागे लागणे — एखाद्या गोष्टीचा सतत पाठपुरावा करणे
  4. नाकी नऊ येणे — खूप त्रास होणे, थकून जाणे
  5. तोंडाला पाणी सुटणे — खाण्याची तीव्र इच्छा होणे
  6. डोक्यावर बसवणे — अति लाड करणे
  7. हातावर तुरी देणे — हुलकावणी देऊन निसटणे
  8. गळ्यातला ताईत होणे — अतिशय प्रिय होणे
  9. कपाळाला हात लावणे — निराश होणे
  10. पोटात कावळे ओरडणे — खूप भूक लागणे
  11. दात-ओठ खाणे — रागाने धुमसणे
  12. उंबराचे फूल होणे — क्वचितच दिसणे किंवा भेटणे
  13. आकाश ठेंगणे होणे — अतिशय आनंद होणे
  14. पाचावर धारण बसणे — खूप घाबरणे
  15. हात टेकणे — हार मानणे
  16. नाक कापणे — अपमान करणे, बेअब्रू करणे
  17. तोंडघशी पडणे — फजिती होणे
  18. धाबे दणाणणे — भीतीने गर्भगळीत होणे
  19. जीव भांड्यात पडणे — काळजी मिटणे, हायसे वाटणे
  20. कानाडोळा करणे — मुद्दाम दुर्लक्ष करणे
  21. शेंडी लावणे — हातोहात मूर्ख बनवणे
  22. गाजर दाखवणे — खोटे आश्वासन देणे
  23. मूग गिळून गप्प बसणे — माहीत असूनही मुद्दाम गप्प राहणे
  24. पित्त खवळणे — संताप अनावर होणे
  25. वाऱ्यावर सोडणे — जबाबदारी झटकून सोडून देणे
  26. पाण्यात पाहणे — द्वेष करणे
  27. खो घालणे — अडथळा आणणे
  28. डाळ न शिजणे — युक्ती यशस्वी न होणे
  29. चारी मुंड्या चीत करणे — पूर्ण पराभव करणे
  30. तारांबळ उडणे — धांदल, गोंधळ होणे
  31. अंगाचा तिळपापड होणे — खूप संताप होणे
  32. बोटावर नाचवणे — आपल्या मनाप्रमाणे वागायला लावणे
  33. डोळे पांढरे होणे — मोठा धक्का बसणे
  34. काखा वर करणे — आपल्याकडे काहीच नाही असे दाखवणे
  35. राईचा पर्वत करणे — छोट्या गोष्टीचा मोठा बाऊ करणे
  36. कंबर कसणे — एखाद्या कामासाठी पूर्ण तयारी करणे
  37. हात आखडता घेणे — खर्च कमी करणे, कंजूषपणा करणे
  38. पाठ थोपटणे — कौतुक करणे
  39. डोक्यावर हात ठेवणे — आशीर्वाद देणे, आधार देणे
  40. कानावर हात ठेवणे — माहीत असूनही नाकारणे
  41. तोंडाचे पाणी पळणे — घाबरून बोलता न येणे
  42. डोळे दिपणे — चकित होणे
  43. पोटात गोळा येणे — भीतीने अस्वस्थ होणे
  44. हातपाय गाळणे — धीर सोडणे
  45. कान फुंकणे — चुगली करून मन कलुषित करणे
  46. नाक मुरडणे — नापसंती दाखवणे
  47. डोळ्यांचे पारणे फिटणे — पाहून मन तृप्त होणे
  48. जिवाचे रान करणे — खूप कष्ट घेणे
  49. पोटाला चिमटा घेणे — काटकसरीने राहून बचत करणे
  50. हात ओला होणे — फायदा होणे
  51. डोळ्यांत तेल घालून राहणे — अतिशय जागरूक राहणे
  52. मनात मांडे खाणे — मनातल्या मनात सुखाची स्वप्नं पाहणे
  53. तोंड काळे करणे — निघून जाणे (रागाने वापरतात)
  54. हात देणे — मदत करणे
  55. हात हलवत परत येणे — काम न होता रिकाम्या हाती परत येणे
  56. पदरात पाडून घेणे — मिळवून घेणे
  57. गळ्यात गळा घालणे — घनिष्ठ मैत्री असणे
  58. डोके खाजवणे — विचारात पडणे
  59. पाठीशी घालणे — चूक असूनही बचाव करणे
  60. शब्द टाकणे — एखाद्यासाठी शिफारस करणे
  61. मान खाली घालणे — लज्जित होणे
  62. मान ताठ करणे — अभिमान वाटणे
  63. खस्ता खाणे — खूप हाल सोसणे
  64. दगडावरची रेघ — कधीही न बदलणारी गोष्ट
  65. अळीमिळी गुपचिळी — दोघांनीही गप्प बसणे
  66. आभाळ फाटणे — चारही बाजूंनी संकट येणे
  67. उखळ पांढरे होणे — भरपूर फायदा होणे
  68. कपाळमोक्ष होणे — मोठं नुकसान होणे
  69. अक्कल गहाण ठेवणे — विचार न करता वागणे
  70. अंग चोरणे — काम टाळणे, मेहनतीपासून दूर राहणे
  71. आकाशपाताळ एक करणे — प्रचंड आरडाओरडा, गोंधळ करणे
  72. उरावर बसणे — सतत मागे लागून त्रास देणे
  73. कपाळाला आठ्या पडणे — नाराजी चेहऱ्यावर दिसणे
  74. कानउघाडणी करणे — चूक दाखवून खडसावणे
  75. काळजाचा ठोका चुकणे — एकदम भीती वाटणे
  76. खडे फोडणे — सतत दोष देणे, नावं ठेवणे
  77. गंगेत घोडं न्हाणं — रखडलेलं काम एकदाचं पूर्ण होणे
  78. गळ घालणे — आग्रहाने विनंती करणे
  79. घर डोक्यावर घेणे — खूप गोंगाट, गोंधळ करणे
  80. जीव की प्राण असणे — अतिशय प्रिय असणे
  81. झोप उडणे — काळजीने झोप न लागणे
  82. टाळाटाळ करणे — काम पुढे ढकलत राहणे
  83. डोळे भरून येणे — गहिवरून येणे
  84. डोळ्यांत खुपणे — दुसऱ्याचं चांगलं सहन न होणे
  85. तोंडात बोट घालणे — आश्चर्याने थक्क होणे
  86. तोंडसुख घेणे — मनसोक्त टीका करणे, बोलणी सुनावणे
  87. नाव कमावणे — कीर्ती मिळवणे
  88. नाकावर टिच्चून — विरोध करणाऱ्यांना न जुमानता करून दाखवणे
  89. पाठ फिरवणे — दुर्लक्ष करणे, साथ सोडणे
  90. पाणी पाजणे — पराभव करणे
  91. पाय घसरणे — चुकीच्या मार्गाला लागणे
  92. पायावर धोंडा पाडून घेणे — स्वतःचं नुकसान स्वतःच करून घेणे
  93. पोटात शिरणे — जवळीक साधून विश्वास मिळवणे
  94. बट्ट्याबोळ होणे — पूर्ण नासाडी होणे
  95. मनावर घेणे — गांभीर्याने घेणे
  96. मनात घर करणे — कायमचं लक्षात राहणे
  97. रक्ताचे पाणी करणे — अतोनात कष्ट करणे
  98. वाटाण्याच्या अक्षता लावणे — स्पष्ट नकार देणे
  99. शिंगावर घेणे — जोरदार विरोध करणे
  100. हात चोळत बसणे — संधी गेल्यावर पश्चात्ताप करत राहणे
  101. हुरहूर लागणे — मनाला अस्वस्थता वाटणे
  102. श्रीगणेशा करणे — एखाद्या कामाची सुरुवात करणे