← मागे

गोपाळकाला

सणाचे पदार्थ · वेळ: १५ मिनिटे · ६ जण

बाळकृष्ण आणि सवंगड्यांच्या शिदोरीची आठवण — पोहे, दही, लाह्या, काकडी आणि डाळिंब एकत्र कालवून केलेला गोकुळाष्टमीचा प्रसाद.

साहित्य

  • पातळ पोहे — २ वाट्या
  • दही — १ वाटी
  • ज्वारीच्या किंवा भाताच्या लाह्या — १ वाटी
  • काकडी — १ (बारीक चिरलेली)
  • डाळिंबाचे दाणे — अर्धी वाटी
  • ओलं खोबरं — पाव वाटी
  • हिरवी मिरची, आलं — बारीक चिरलेलं
  • साखर — १ चमचा, मीठ — चवीनुसार
  • फोडणी: तूप, जिरं, कढीपत्ता

कृती

  1. पोहे हलकेच धुवून निथळा.
  2. मोठ्या भांड्यात पोहे, दही, लाह्या, काकडी, डाळिंब, खोबरं, मिरची, आलं, साखर आणि मीठ एकत्र कालवा.
  3. छोट्या कढईत तूप गरम करून जिरं-कढीपत्त्याची फोडणी करा आणि काल्यावर ओता.
  4. लगेच प्रसाद म्हणून वाटा — लाह्या मऊ होण्याआधी.

टिपा

प्रत्येक घरात काल्यात वेगळं काहीतरी असतं — शेंगदाणे, लोणचं, चणाडाळ… सगळं चालतं!