उखाण्यांसाठी उखाणे विभाग पाहा — "मंगळागौर / हळदीकुंकू" प्रकार निवडा.
गंमत रात्र — खेळ
जेवण झालं, सगळे जमले, आता काय? मोबाईल बाजूला ठेवा (हा सोडून!) आणि हे खेळ खेळा.
डम्ब शराज
एकाने चिठ्ठी पाहायची (इतरांना दाखवू नका!) आणि न बोलता अभिनय करायचा. गटाने ओळखायचे.
चिठ्ठी उचलण्यासाठी खालचे बटण दाबा
०:००
गट अ०
गट ब०
हौजी (तंबोला) — मराठी हाका
तिकिटे इथून छापा. आकडे इथून काढा — प्रत्येक आकड्याला मराठी नाव आणि मजेदार हाक!
?
सुरू करायला बटण दाबा
काढलेले आकडे: ० / ९०
एक मिनिट खेळ — भिशी, किटी, सोसायटी आणि वाढदिवस
प्रत्येक खेळाला फक्त एक मिनिट आणि घरातलंच साहित्य. यजमानांसाठी ही यादी छापूनही घेता येते.
नाव-गाव-फळ-फूल
शाळेतला लाडका खेळ! अक्षर फिरवा, टायमर लावा आणि त्या अक्षराने सुरू होणारं नाव, गाव, फळ, फूल, प्राणी आणि वस्तू लिहा. वेगळं उत्तर — १० गुण, सारखं उत्तर — ५ गुण.
वर्षभर शेतात नांगर ओढणारा, बैलगाडी ओढणारा बैल हा शेतकऱ्याचा कुटुंबातलाच सदस्य. पावसाळ्यात पेरण्या झाल्यानंतर, श्रावणाच्या अमावस्येला बैलांना पूर्ण विश्रांती देऊन त्यांची पूजा केली जाते — हाच बैलपोळा. विदर्भ आणि मराठवाड्यात हा सण विशेष उत्साहात साजरा होतो.
आदल्या दिवशी 'खांदमळणी' होते — दिवसभर जू ओढून घट्टे पडलेले बैलांचे खांदे हळद आणि तुपाने किंवा लोण्याने मळले जातात, आणि शेतकरी बैलांना 'उद्या जेवायला या' असं आमंत्रण देतो!
पोळ्याचा दिवस
सकाळी बैलांना नदीवर किंवा तलावावर नेऊन आंघोळ घातली जाते.
शिंगं रंगवली जातात, शिंगांना गोंडे-बेगड लावले जातात. अंगावर रंगीत झूल, गळ्यात घुंगरमाळा घातल्या जातात.
घरी सुवासिनी बैलांचं औक्षण करतात आणि पुरणपोळीचा घास भरवतात.
संध्याकाळी गावातले सगळे बैल वेशीवर किंवा मैदानात जमतात. 'झडत्या' (गमतीदार काव्य) म्हटल्या जातात, आणि मानाच्या बैलांसोबत मिरवणूक निघते.
त्या दिवशी बैलांना कोणतंही काम दिलं जात नाही.
तान्हा पोळा
विदर्भात, विशेषतः नागपूर भागात, पोळ्याच्या दुसऱ्या दिवशी 'तान्हा पोळा' साजरा होतो. लहान मुलं लाकडी किंवा मातीचे सजवलेले बैल घेऊन घरोघरी जातात, आणि त्यांना खाऊ-पैसे मिळतात. शहरात वाढणाऱ्या मुलांनाही शेतीशी आणि प्राण्यांशी नातं जोडणारा हा सुंदर सण.
बैलपोळा आपल्याला आठवण करून देतो — आपल्या ताटातलं अन्न किती हातांच्या, आणि किती मुक्या जीवांच्या कष्टातून येतं.
नाटकं
शाळेचं स्नेहसंमेलन, सोसायटीचा कार्यक्रम, गणेशोत्सवाचा मंच — तयार लहान नाटकं. पात्रं, साहित्य आणि संपूर्ण संहिता. वाचा, छापा किंवा PDF डाउनलोड करा.
पार्टी छापा
सोसायटीची दिवाळी पार्टी, भिशी, किटी, वाढदिवस, हळदीकुंकू, गणपती — तयार पत्रके. उघडा, कार्यक्रमाचं नाव लिहा आणि प्रिंट करा किंवा PDF डाउनलोड करा.
PDF कशी बनवायची?
पत्रक उघडा आणि वर कार्यक्रमाचं नाव लिहा (उदा. "साईकृपा सोसायटी — दिवाळी पार्टी").
PDF डाउनलोड दाबा — फाइल थेट डाउनलोड होईल.
किंवा प्रिंट दाबा आणि प्रिंटरऐवजी "Save as PDF" निवडा — सगळ्यात सुबक PDF अशी मिळते.
A4 कागद वापरा. चिठ्ठ्या आणि कार्ड्स ठिपक्यांच्या रेषेवर कापा.