← मागे

मुंगी आणि नाकतोडा

इसापनीती · वयोगट: ४ ते ८ वर्षं

उन्हाळ्यात एक मुंगी दिवसभर कष्ट करून दाणे गोळा करत होती आणि आपल्या बिळात साठवत होती. शेजारचा नाकतोडा मात्र दिवसभर गाणी म्हणत, उड्या मारत मजा करत होता. 'अगं मुंगीताई, एवढं काम कशाला? ये, गाणं म्हणू!'

मुंगी म्हणाली, 'पावसाळा आणि हिवाळा येणार आहे. तेव्हा अन्न मिळणार नाही. आताच साठवायला हवं.' नाकतोडा हसला आणि गात राहिला.

हिवाळा आला. सगळीकडे थंडी आणि बर्फ. नाकतोड्याकडे खायला काहीच नव्हतं. तो भुकेने कुडकुडत मुंगीकडे आला. मुंगीने त्याला थोडे दाणे दिले आणि समजावलं, 'पुढच्या वर्षी आधीपासून तयारी कर.'

तात्पर्य: आजचे कष्ट उद्याचं सुख देतात. भविष्याची तयारी आधीच करावी.