← मागे

शेतकरी आणि शेतातला खजिना

इसापनीती · वयोगट: ५ ते १० वर्षं

एका म्हाताऱ्या शेतकऱ्याची मुलं आळशी होती. मरणापूर्वी त्याने त्यांना जवळ बोलावलं — 'आपल्या शेतात खजिना पुरलेला आहे. तो शोधा.'

वडील गेल्यावर मुलांनी खजिन्यासाठी अख्खं शेत खोल खणून काढलं. खजिना काही सापडला नाही.

पण पावसाळा आला तेव्हा त्याच खणलेल्या शेतात त्यांनी बी पेरलं. नेहमीपेक्षा कितीतरी पट पीक आलं! तेव्हा मुलांना कळलं — वडिलांचा खजिना म्हणजे मेहनत.

तात्पर्य: मेहनत हाच खरा खजिना.